هربت منها...مجدى عبد الغنى ومحمد شمس

اغنيه
هربت منها
كلمات/محمد شمس
الحان وغناء/مجدى عبد الغنى

انا عمرى ماكنت خاين..والكلام اللى وصلك
كله مش زى منا قايل
نيتى كانت سليمه..بس الناس ضميرها نايم
قالولك عنى كلام ..وكرهوكى ف الغرام

ونا عمرى ماكنت بايع..ده انا قلبى شاركى
وعمرى كله ليكى ..وحياتى بين اديكى

صاحبتك هيه السبب..قربتيها منى
وادى النهايه خدعتك وخدعتنى
حاولت تاخدنى منك للابد

بس حبى ليكى اقوى من الزمن..
هربت منها ورجعت ..وادينى بدفع التمن

فراق منك وهجر..ونا ماليش ذنب
وبقولك ياحبيبتى ارجعيلى
وده ياحبيبتى امر

اللحن الصوتى

طمعان ف رحمتك...نجاتى ومجدى عبد الغنى

دعاء
كلمات/محمد نجاتى
اللحان وغناء/مجدى عبد الغنى


طمعان ف رحمتك

يارب راجى محبتك
بحلم اشوفنى فى جنتك
جايلك عصى ..ندمان اوى
طمعان يارب فى رحمتك

يارب نجينى ..انصرنى واحمينى ..عالطاعة قوينى
يارب يا الله
بدعى تخلينى ..ثابت على دينى...اسمك يبكينى
فى كل صلاة


ذنوبى يارب تعبانى
وخوفى بجد خلانى
اجرى عليك ..وانا بين ايديك
دموعى يارب سبقانى

ارزقنى بالايمان..والطاعه والغفران ...الرحمه يارحمن
ودا اللى بتمنى
ياخالق الاكوان...حببنى ف القران..واعصمنى م الشيطان
ووصلنى للجنه

اللحن الصوتى

الفرقه مش دايمه

الفرقه مش دايمه
اغنيه من كلمات /احمد مصر الدين
اللحان وغناء/مجدى عبد الغنى

ولا ليله ولا يوم بنساك...محتاج لقلبى ملاك
وسنين وياك ومعاك ...بتفوت اوام

الحب ف قلبى ليك ...ونا عاشق نور عنيك
ونهار وليل بناديك ...دايب غرام

حبيبى الفرقه مش دايمه ومش هنساك
عشان انتا اللى ف قلبى وهبقا معاك

حاولت انسا اللى راح..وقولت بجد لو نرجع
دا قلبى عذابه م الراح..وصرخه قلبى توجع

حبيبى الفرقه مش دايمه ومش هنساك
عشان انتا الى ف قلبى وهبقا معاك

جراحى ف قلبى جوايا...وبنادى باعلى صوت ارجع
دا نفسى تكون هنا معايا..ياريت بس لو ترجع


اللحن الصوتى

جرحى ميتنسيش

الاغنيه دى تاليف...(احمد نصر الدين)مودى...والحانى انا مجدى....ويارب تعجبكم يارب

جرحى ميتنسيش

جرحى ميتنسيش ..ودمعى ميتحكيش ..وقلبى اللى انجرح مبقاش عارف يعيش
مبقاش عارف يعيش


ليه يا دنيا مبتحبيش الا جرحى
ليه يا دنيا متكرهيش الا فرحى

أأأأأأأأأأأأأأأأأأأأأأأأأأأأأأأأأأأأأأأأة
يقسى
يقسى عليا
يجرح فيا
يقسى ليه ويسبنى ليه

عمرى
عمرى اللى راح
ويا الجراح

ندمان عليه
ندماااااااااااااااااااااان عليه

كنت بحس فى قلبى جرح عمره ميتنسيش

كنت بعيش فى الحلم وهم بردوا ميتحكيش

وضاع حلم السنين واهوه ساب جرح وانين
وفى بعده اعيش لمين
وانا قلبى عايش حزين


من زمان وأنا بسأل القلب الحزين
مين يداوى ياقلبى جرحك القديم

أأأأأأأأأأأأأأأأأأأأأأأأأأأأأأأأأأأأأأأأة
يقسى
يقسى عليا
يجرح فيا
يقسى ليه ويسبنى ليه

عمرى
عمرى اللى راح
ويا الجراح

ندمان عليه
ندماااااااااااااااااااااان عليه
بحبك بس مش هقدر أدوس على قلبى مرة كمان
جرحتى كتير وكان جرحى قسوة وكره وعذاب حرمان

لو كنتى فاكرة أن حياتى فى قسوتك
أنا قد جرحى وقسوتك متهمنيش

اللحن الصوتى

قلب انانى....ايفنن ومجدى عبد الغنى

اغنيه (قلب انانى ) تاليف دكتوره ايفنن ماى هارت..مش عارف احتمال اسمها دكتوره دعاء...والحان وغناء مجدى عبد الغنى
يارب تعجبكم

قلب انانى

موقفى صعب ولا انتا دارى
كل مااقع بلاقيك جارى
وف نفس الوقت انا قلبى انانى
مش قادر يحدد انتا ايه بالنسبالى

فكر ثوانى..لو يوم لقيت حد يضحى بحياته عشانى
ويجينى تانى ..ويشيل ايام وليالى من عمره ويدهانى

عندك حق انا انانيه
حتى قرارى مش ملك اديا
بس انا مش حمل مجازفه تانيه
وتيجى ف يوم مثلا تقسى وتغدر بيا

فكر ثوانى ..لو لقيت حد يضحى بحياته عشانى
ويجينى تانى..ويشيل ايام وليالى من عمره ويدهانى

اللحن الصوتى

التاج

طبعا فالبدايه....بشكر كل الشكر
احمد سمير
حبيب قلبى ..بجد هوه من الناس القليله اللى حبيتها اوى.......لقيته معايا اخ وصاحب وحبيب وابويه ساعات بس مش كتير...المهم نتكلم بقى عن العشر حاجات اللى عنى يمكن عشان تعرفونى
اولا...انا مجدى عبد الغنى ابراهيم جمعه...طالب بصيدله طنطا اللى انا اتشرف بكونى احد من ابنائها وكون احد خريجينها...وكفايه عشان اتعرفت فيها على ناس بجد ربنا يحميهم.......ويخليهم معايا ونخاف على بعض علطول
ثانيا...انا انسان تحكمنى الكثير من القيود..يمكن عشان التربيه ويمكن عشان انا اخر اخواتى ف شارب من كل اخ ليا واخد من شخصيته حته فانا بقيت كوكتيل من اخواتى...الى جانب انى ضيفت على نفسى حاجات تبقى بتاعتى انا...برضوا عامل التربيه دا حاجه اساسيه
ثالثا...الثقه اللى وضعها ابويه فيا....ملهاش حدود...ساعات اجى عشان اساله ف حاجه يقولى فكر فيها واختار انتا...يعنى بيرمى الحمل عليا عشان عارف انى فيوم هبقى مسئول عن اسره واللى يارب يكون الاسره دى على خير...اقدر امشيها كويس...وابويه راجل مكافح...هوه حاليا على المعاش...وكان موظف بشركه مصر للغزل والنسيج...الى جانب كدا هوه كان يطلع من الشغل عشان يحسن راتبه المعقول وعشان يمارس المهنه اللى اتعلمها من صغره وهيه الحياكه.....ابويه ترزى بعد الشغل...يعد بقى يفصل بناطيل وقمصان وكده......راجل مكافح بجد ومها قلت فيه مش هكفى....ويكفى انه قدر يطلع 2 دكاتره ونا واحد منهم و اتنين اساتذه ف التعليم
رابعا...امى بقى...ست الكل...مينفعش اتكلم عن مجدى من غير اتكلم عن ماما...اجمل حاجه ف امى انها واقفه جنبى وتثبتنى ف حكايه الغنا اللى انا واخده وبتشجعنى على طول وبسمعها الاغنيه اللى هغنيها وتقولى رايها بحسها الجميل وتقولى ..خد بالك من الحته دى ...انتا كويس هنا وكده
خامسا...انا بقى..انا انسان حاسس انى قيادى حبتين..حساس اوى ...بحب بسرعه...وصعب انى اكره....بس عندى حكايه العصبيه دى مشكله...يعنى نرفزه...ببقى متنرفز بسرعه اوى..بس بعدى بسرعه برضوا وادينى بحاول اعدى النقطه دى
سادسا.....صحابى...اللى تاعبينى دايما...حبيهم ومقدرش ازعل حد فيهم...بفرح اوى نا معاهم...يعنى افتكر اخر يوم اما كنت عند سمير وكان اجمل حاجه ف اليوم انى اكلت محشى عند سمير وخرجنا بعدها قابلنا زياد....واتمشينا ف طنطا
سابعا وثامنا اللى الاخر ....فانا اعتقد انى جوابت على كله....من خلال اللى فات
امرر التاج بعدى لزياد......بس بصراحه مش فاكر البلوج بتاعه...بس هقوله ان شاء الله

تصميماتى ع الفوتو شوب

لسه انا بتعلم على الفوتو شوب...ف دى بداياتى

انى رحلتُ...

إنى رحلتُ

إني رحلتُ إليــك ربي جاعلاً...قلبي وعقلي من الإيمــــان سبيل

وتركتُ من دنيــايّ لهوي وملعبي...كما الهوى فقلـــبي منه عليل

إليك أتوبُ عن ذنوبٍ قد مضت...ودموعى أنهراً من عيني تسيل

رحمن أنت والكمـــال من شيمتك...فإغفر لي وإرحمني يا جليــل

نفسي من الذنوبِ ماتت ودُمرت...كم كان بيني وبين الموت قليل

نسيت أني بلحظــــةٍ قد أنتهي...وأكون من بين الأمــــوات قتيــل

ربي يعـــــود إليك قلبي مسرعاً...مستغفراً ويطلب عفـــوك ذليل

امين يارب امين

اعيش مخدوع

أعيش مخدوع

بتقولي ليه إنى ظلمتك...بتقولى ليه إنى هجرتك

إنتى ناسيه يوم ماشوفتك

والفرحه ف عينك معاه

أيوه لسه بتخدعينى....وبعتى شوقى وكلام عينى

دلوقتى جايه بترجعيلى

وعايزه اللى فات انساه

دا صعب عليا أعيش مخدوع....ولا ينسينى حنين وشموع

ولا أى كلمه حب منك

تداوى جرحى

عايزانى ليه أنسا اللى فات....وأنسا كمان الذكريات

وكل شئ كان مابينا

ف يوم فرحى

خلاص هنسا وهعيش مجروح....ياروح مابعدك روح

إزاى أعيش مع واحد

قلبه مابيرحمش

خلاص هنسا ومشى ف طريقى....يمكن أقابل حبيبى

اللى هكمل معاه

وقلبه مابيخونش

الحان صوتيه

اغنيه سنين الحب
اوديو


اغنيه مكنش قصدى
اوديو

يارب تعجبكم يارب...مع تحياتى